خاص جدا ‏(دعوة لكل الاصدقاء)

بالفعل انا اخترت اسم الموضوع ده علي اسم مسلسل يسرا الاخير واللي اثر فيا لحد كبير
لما بدأت الكتابه من ست سنين كتب بحاول اخطط لاول كتاب ليا او كنت فاكر كدا كنت عايز اكتب عن المشاعر المشاعر وبس سطرت اول سطر ليا بمقدمه بسيطه وبدأت اكتب عن اول موضوع او اول شعور بكتيبي الخيالي عن الحب
طبعا ده مش صدفه ده شئ طبيعي في وقت الحب فيه اهم احساس عند الانسان واكتر شي بيبحث عنه
حاولت تعريف الحب فكتبت اقول: سألت صديق ذات مره عني الحب فقال لي انه مجرد اهتمام لعلنا لا نجد هذا الرأي كثيرا في افلامنا التي تتحدث عن الحب الا انني اجد هذا الرأي صحيحا ولكن اري ان هذا المفهوم جزيئا فلا يشترط ان يكون الحب بين شاب وفتاه فقط ولكني اري ان للحب انواع كثيره كحب الاهل والاصدقاء وحب الله ورسوله وهو اسمي انواع الحب.
هذا تقريبا ما حاولت توضيحه مستطردا في صفحتي عن حاله الحب التي اعيشها مع عائلتي وان عدم وجود فتاة احلامي لا ينقص من احساسي بهذا الاحساس الرائع
كلمات بسيطه خطتها يدي لاول مرة تخلو من قيم التعبير والمفهوم والابداع لكن كانت تحمل اشراقه حلم جديد في وقت عصيب امر به
دلوقتي وانا بكتب عن الحب بعد6 سنين وبعد كل الصدمات والتغيرات اللي مريت بيها في حياتي الا اني لسه مقتنع برأي صاحبي ده
عارفين انا عملت الصفحه دي لية عشان حاجتين
لاني نفسي كل حد بيعتبرني صديق واخ في المنتدي ده يدخل يكتب فيها رأيه واحساسه عن اي موضوع بنحكي فية او اي حاجه حاسسها نشارك بعض لحظات حياتنا
تاني شي لاني نفسي اكتب صفحه فيها حزن ويأس كعادتي بس يكون جواها ولو لمره فرح وسعاده وحب ومشاركه واحاسيس تاني كتير تشاركوني بيها
مستني مشاركتكم الحقيقه
‏

بجد انا عايز اشكر كل حد دخل الصفحه دي لانه بيبين اصحابي بجد
اكيد كل حد عنده لحظات فرح كتير زي ماعنده لحظات حزينة وممله وكئيبه بس احنا دايما بنركز علي الحاجات المؤلمه يمكن لانها بتسيب فينا اثر
الكره الكره احساس من اسوأ مايكون موجود جوانا وطبيعي انه يكون بس مش لازم نستسلم ليه جدتي قالتلي مره متكرهش لان اللي شايل الكره جواه بيتعب بية اكيد هي عندها حق الكره بيموت بس يمكن بشوف ان اللي شايل الحب جواه بيتعب كمان خصوصا لما يكون من طرف واحد
يمكن وجود التناقضات في حياتنا هو اللي بيعملها توازن وبيحسسنا بطعمها زي الحب والكره السعاده والحزن
بس عارفيين اللي بيحب حد ممكن يزعل منة يغضب يثور يتمني خروجه من حياته الا انه بيصعب علية انه يكرهه
كلنا عشنا قصص حب جميله ووردية وخرجنا منها مجروحين او مصدوميين او منتصرين وبنقعد ايام طويله متأثرين بحاله الحب دي
الا ان مفيش حاجه مابتتنسيش والزمن كفيل بالنسيان بيمحلنا كل احزاننا وبيفضل عندنا امل ورغبه في الحياة لاننا بنتوقع ان اجمل قصه حب في حياتنا لسه معشنهاش واحلي لحظه لسه مشفنهاش وده اللي بيخلنا نحلم ببكرا

معك حق بانو نحنا تناقضين
بس مش لازم نخلي شي ياثر علينا الحياة قدامنا
ولازم نعيشها بكل ثغراتها

اما بالنسبه للحب فهوه موجود بس بالافلام مو اكتر

يسلموا ايديك رامي فكرة كتير حلوة

ايات
بيسان
رغد
ميرسي علي اضافاتكم المكمله والمجمله