اضحك معdallou3ty1

هيدي نكت بس مابدي حدايزعل والله هيي مابتزعل بس بلكي حدا زعل
اذا بيوم من الايام حضرت عرس ... ونزلت الشباب عالدبكه وبلش العرق يزرب
وحميت مع أبو اسماعين ( رقيب متقاعد ) وسحب الكلاشنكوف وطررررررر ..
بلش طخ عن جنب وطرف وهو برقص وبدبك ... وسقط ثلاث شهداء من جراء القصف
العشوائي ..... ابتسم .. انت بتحضر عرس عربي!!!..



اذا تجوزت .. والناس واقفيتلك عالمسطره بتستنا أسبوع العسل لما يخلص
عشان يفيعو عليك ويهجموا هجمة رجل واحد .. وكل واحد فايت يا بجيبلك طقم
فناجين قهوه .. يا صينيه ...
وبالآخر بتحوشلك سبعطعشر طقم قهوه ... واحدعشر صينيه ... واستنا مناسبات
عشان ترجعها لصحابها
بتكون بتمارس واجباتك الاجتماعيه عند العرب!!! ..... ابتسم..



اذا دخلت انت ومرتك أو خطيبتك أو صاحبك على قهوه واجتك المنيو ...
القهوه بليره
.. والميلك شيك أبو فراوله بليرتين . وحضرتك طلبتهم....
شو ثلاث ليرات ... ولا اشي ..
ولما اجت الفاتوره ولا هي بقدرة قادر خمس ليرات وثلاثين قرش .... كيف ما
بتعرف..
ابتسم .... انت بتمارس الرفاهيه عند العرب!!..





اذا كنت قاعد على مكتبك بوظيفتك .... وكل المراجعين اللي اجوك طلعو يا
قرايبك يا نسايبك يا مخاولك
وكل واحد الا يسالك بتعرف فلان
الفلاني .... هذا ابن عم جدتها لبنت عم مرة أخوي اللزم هاتلك بوسه يا
رجل .. امممممواه .. امممممممممممممممواه .. ابتسم .. فانت بمكتب عربي !!!!




اذاكنت ماش بسيارتك مستعجل بدك تلحق موعد .. ولا الشارع مليان سيارات
عن اليمين والشمال ... امشي .. امشي . امشي ... والسير يالله ماشي ...

فجأه بتشوف هالسياره المزينه ... وكلها ورد وشبر.. والعريس النضوه حاط
نيوتر وداحل ...

وليش السير شبه واقف .. لانه
كل واحد من المحترمين اللي بالفارده بده
يوقفله خمس دقايق جنب سيارة العروس يزقفلهم شوي وينظر النظره الاخيره
للعروسه نيال ابوها ..
اذا صار معك مثل هذا الموقف ... مش تبتسم بس ... اضحك واقلب ع ظهرك .. انت في بلد عربي!!! يا عمي ..





اذا كنت بصلاة الجمعه ... كلك ايمان وخشوع بعد الخطبه المؤثره ...
والامام صوته ما شاء الله بيدغدغ القلوب .. وأول ما سلم الامام ..
وخلصت الصلاه
::
سمعت :
" أحمر يا زر البندوره .. ليره البكسه ليره"
" أصابع البوبو يا خياااااااااااار ... أربعه كيلو بليره .. يالله
يالله"
" عالسكين يا بطييييييييخ ... أحمر أحمر يا يا ابو قرعه "

وطار الخشوع ... وفقع قلبك ... وصحتين وعافيه...
ابتسم .... وابتسم .... وخلي طواحينك يبينو ... انت على باب جامع عربي !!!

ههههههههههههه قوية

منوريييييييييييين حبايبي

منوريين ميرسي الكم