حديث الروح

كتير منا بيمر بظروف صعبه جدا
مبيبقاش عارف يتصرف فيها ازاي
بيحس انه مخنوق وضايع وبيغرق ومحتاج قشه يتعلق بيها
كلنا مرينا بظروف صعبه
وانا هاحكيلكوا ظروفي النهاردة
انا مريت بظروف صعبه جدا وكتيرة جدا حسيت فيها بالتلاشي والضياع حسيت بهمومي بقت قد الجبال
قعدت بيني وبين نفسي ابكي وادور علي سبب المشكله وازاي احلها
قعدت ادور عالناس اللي ممكن تقف جنبي وتساعدني بحياتي
بصيت حوليا وقلت بابا هو اللي هيسندني
فالاب الامان والسند والعكاز اللي بيتسند علية اولاده
هو البيت اللي بيجمع والوطن اللي بيحمي
لاقيت بابا مش موجود مات
يبقي ضاع بابا وضاع الامان
دورت مين بعده لقيت الام
فالام الحنان والعطف والحب اللي بيحضنا ويغطينا
ولكن الحب احيانا بيبقي ضعيف قدام الشر
يبقي ضاعت امي
طيب مين تاني اخواتي
ده الاخ
لكن عضمهم طري ومشاكلي مشاكلهم
قعدت افكر في واحد تلو الاخر
لاقيت محدش باقي والكل فاني
طيب مفيش غير الباقي سبحانة لاتأخده سنة ولانوم يحيي ويموت وهو الحي القيوم
طيب ازاي مفكرتش في الله جل جلاله من الاول
اكيد دي مشكله
يبقي المشكله في نفسي وروحي اللي فقدت الاتصال بربها الخالق الرحيم
ولو هي علي ذكر دايم لله اكيد هترضي بقدره وتقتنع بقضاؤه
وعرفت ان مشاكل الدنيا بتتضخم بسبب مشكلتي مع روحي
يبقي اكيد لازم اطور من نفسي وابقي اكثر ذكرا واتصالا بالخالق وساعتها كل شي هيتصلح
واتعلمت ان الشكوي لغير الله مذله

خدوج شكرا علي مرورك
امينة ميرسي كتير علي مرورك